Шымкент қаласы Ішкі саясат және жастар істері жөніндегі басқармасының «Жастар ресурстық орталығы» коммуналдық-мемлекеттік мекемесі ұжымы жыл басынан бері Тәуелсіздіктің 30 жылдығына байланысты көптеген пайдалы іс-шаралар ұйымдастырып келеді. Белсенді ерікті жастардың күшімен мұқтаж жандарға жәрдемдесу, волонтьерлік көмектер беру, басқа да қоғамдық ұйымдармен үкіметтік емес мекемелермен бірлесіп қайырымдылық, жастарға арналған отаншылдыққа, денсаулықты сақтауға, білімділікке ұмтылуға дағдыландыратын іс-шаралар ұйымдастыруда.
ҚР Тәуелсіздігінің 30 жылдығына орай Шымкент қаласы Ішкі саясат және жастар істері жөніндегі басқармасының «Жастар ресурстық орталығы» КММ-нің ұйымдастыруымен «Саламатты ұрпақ» жобасы аясында жастар арасында футболдан турнир өтті.
Жастар арасында ұйымдастырылған бұл спорттық іс-шараның мақсаты – жасөспірімдер мен жастарды денсаулығын нығайтып, бұқаралық спортты жанына серік етіп, басқаларға үлгі-өнеге көрсетуге ынталандырады. Сондай-ақ жастардың белсенділеріне қолдау көрсетіп, саламатты өмірді ұстанып, спортқа бейімделуіне ықпал ету болатын.
Турнир Еңбекші ауданына қарасты Тоғыс тұрғын алабында өткізілді.Сонымен қатар ойын соңын қорытындылай келе белсенді деп танылған жастар алғыс хаттармен марапатталып, спорттық футболкалар тарту етілді.