Құқық қорғау органдарының басты міндеті азаматтардың қауіпсіз де жайлы өмір сүруін қамтамасыз ету. Әсіресе, қазіргідей індет белең алып, карантиндік режим кезінде қоғамдық орындарда, азаматтардың жеке иеліктерінде, көшелерде, автокөлік қозғалысында, күнделікті тұрмыстың барлық жағдайларында адамдардың өзіне сенімді болуы заңдылықтардың, тиісті талап, ережелердің сақталуы екені белгілі. Ал, заңдылықты сақтап, құқық бұзушылықтың алдын алу – Құқық қорғау органдарының басты міндеті.
Шымкент қаласының полиция Департаменті қалпытасқан эпидахуалға қарамастан жұмысын жандандырып, шымқала тұрғындарының қауіпсіздігіне нұқсан келмеуін қадағалауда.
Шымкент қаласы Полиция департаменті Патрульдік полиция полкінің қызметкерлері ағымдағы жылдың басынан шілде айына дейінгі аралықта рейдтік іс-шаралар өткізу барысында қарсы бағытқа шыққан 201 көлік жүргізушісін анықтады.
Осы ретте тәртіп сақшылары құқықбұзушыларға Қазақстан Республикасының Әкімшілік құқық бұзушылық туралы кодексінің 596-бабы 3-бөлігі – «егер бұл жол жүрiсi қағидаларында тыйым салынған жағдайларда, жолдың жүру бөлiгiнiң қарсы бағытта жүруге арналған жағын, оның ішінде кері бұрылып немесе бұрылыс жасап шығу» бойынша әкімшілік хаттама толтырды.
Сондай-ақ, жүргізушілерге жол ережелерін қатаң сақтау қажеттілігі туралы түсіндірме жұмыстары жүргізілді.
Қарама-қарсы бағытқа шығу секілді жол қозғалысы ережелерін бұзу көлік құралын басқару құқығынан айырып, әкімшілік жауапкершілікке тартылатынын еске саламыз.
ЖОЛ ЕРЕЖЕСІН БҰЗҒАНДАР АНЫҚТАЛДЫ
By ais_media