Шымкент қаласының Еңбекші ауданы Полиция басқармасының қызметкерлерімен қауіпсіздік шараларын күшейту мақсатында жүргізілген рейд кезінде 2021 жылдың 14-тамызында, сағат 14:55-те, Жібек жолы даңғылы бойында орналасқан кафе карантиндік талаптарды сақтамай жұмыс жасап, келушілерді қабылдап жатқандығы анықталды.
Шайхана қызметкерлері бір реттік бетпердені толық тақпай, келушілердің дене қызуы өлшенбейтіндігі белгілі болды.
Шымкент қаласы Полиция департаменті Еңбекші АПБ-ның учаскелік полиция инспекторлары рейдтік іс-шараларын жүргізу барысында Жібек жолы көшесі бойында орналасқан караоке клубының түнгі сағат 23:00-ден кейін жұмыс жасап, карантин режимін өрескел бұзып жатқандығын анықтады.
Осы ауданда 2021 жылғы 14-тамызда Тәукехан көшесі бойында орналасқан мейрамхана кешені карантиндік талаптарды бұзып, келушілерді қабылдап, қызмет көрсеткенін анықтады. Аталған мекемеде 30-ға жуық адамға қыз ұзату тойын жасаған. Сондай-ақ, «Ашық» бағдарламасына тіркелмей, қызметкерлер келген қонақтардың дене қызуын тексермей кіргізіп, оларға медициналық бетпердесіз қызмет көрсеткен.
Жоғарыдағы рейд кезінде анықталған барлық құқық бұзушылықтар бойынша, жинақталған іс-құжаттар ҚР ӘҚБтК-нің 425-бабымен (Халықтың санитариялық-эпидемиологиялық саламаттылығы саласындағы заңнама талаптарын, сондай-ақ гигиеналық нормативтердi бұзу) шара қолдану үшін Шымкент қаласының санитарлық-эпидемиологиялық бақылау департаментіне жолданды.
Осы орайда, Шымкент қаласы Полиция департаментінің қызметкерлері қала тұрғындары мен қонақтарын карантин режимін қатаң сақтауға шақырады.