ӘЛЕУМЕТТІК ЖЕЛІДЕГІ ҚҰҚЫҚ БҰЗУЛАР АНЫҚТАЛДЫ

Бүгінде халықтың басым бөлігі интернет желісімен пайдаланады. Оның тиімділігімен қатар кейбір жайсыздықтары, желі арқылы алдап кету сияқты кейбір жайсыздықтары да бар. Цифрландыру технологиясы құқық қорғау органдарына да кіргендіктен полиция қызметкерлері бұл саладағы құқық бұзушылықтармен күресте де нәтижелерге жетуде.
Шымкенттік полицейлер әлеуметтік желі арқылы ақшасын үптеп кеткен алаяқты анықтады. 2021 жылдың 13-тамызында Әл-Фараби АПБ-на Шымкент қаласының тұрғыны арызданған. Ол өз арызында «WhatsApp» әлеуметтік желісінен телефон нөміріне белгісіз тұлға танысы екендігі туралы хат жазып, сеніміне кіру арқылы 80 000 теңгесін алаяқтық жолмен иемденіп алғандығын көрсетті.
Әл-Фараби АПБ КПБ қызметкерлері жедел іздестіру іс-шараларын жүргізу барысында жергілікті жердің тұрғынын анықтап, жеткізді. Ұсталған азаматтың басқа да қылмыстарға қатыстылығы анықталуда. Тексеру жұмыстары жүргізілуде.
Осы Әл-Фараби АПБ-ның «102» нөміріне Шымкент қаласының тағы бір тұрғыны арызданған. Ол арызында, үйінде отырып ұялы телефонымен «Инстаграм» желісіндегі парақшадан киімге тапсырыс берген. Белгісіз тұлғаның ұялы телефонына 15.000 теңге ақшаны салып, алайда ешқандай киім алмағанын, не ақшасын қайтармағанын көрсеткен.
Әл-Фараби АПБ Криминалдық полиция бөлімі қызметкерлерінің жедел-іздестіру іс шараларын жүргізу барысында Түркістан облысының тұрғыны анықталды. Қазіргі таңда қамауда. Ұсталған азаматтың басқа да қылмыстарға қатыстылығы анықталуда. Тексеру амалдары жүргізілуде.
Өз кезегінде, Шымкент қаласының полицейлері бейтаныс азаматтарға ақша бермеуге шақырады.