НЕСИЕ АЛДЫРЫП ТӨЛЕМЕЙ КЕТКЕН

Мемлекет басшысының «халық үніне құлақ асатын мемлекет орнатуды басты міндет етіп алға қойғанынан кейін жергілікті әкімдіктер, басқа да мемлекеттік органдар азаматтардың өтініштерін, тілектері мен арыз-шағымдарын жедел қарап, тиісті шешімдер шығарып, орындауға күш салуда. Шымкент қалалық полиция Департаментінің ұжымы да халықтың үніне, арыз-шағымына ерекше көңіл бөліп, оларды тез арада орындап, қанағаттандыруға күш салуда.
Мысалы, бір күнде қаладағы Әл-Фараби ауданының полиция басқармасы азаматтардан түскен арыз бойынша жедел әрекет етіп, құқық бұзушыларды құрықтады. 2021 жылдың 16-тамызында Әл-фараби АПБ-ның «102» нөміріне жергілікті тұрғын арызданған. Ол өз арызында, белгісіз тұлға сеніміне кіру арқылы, шағын несие ұйымынан 1.000.000 теңге алдырып, қазіргі таңда несиесін төлемей жүргенін көрсеткен.
Әл-Фараби аудандық полиция басқармасы Криминалдық полиция бөлімінің қызметкерлері жедел-іздестіру іс-шараларын жүргізу барысында құқық бұзған күдікті ретінде жергілікті азаматты анықтап, ұстады. Тексеру жұмыстары жүргізілуде
Сол 2021 жылдың 16-тамызында Әл-Фараби АПБ-ның «102» нөміріне Шымкент қаласының  тағы бір тұрғыны арызданған. Онда, белгісіз тұлға мемлекет тарапынан үй алып беремін деп, 300.000 теңгесін иемденіп алғанын көрсеткен.
Бұл жағдайда да Әл-Фараби АПБ Криминалдық полиция бөлімінің қызметкерлері жедел-іздестіру іс шараларын жүргізу барысында күдікті азаматта анықтап, полиция бөліміне жеткізді. Ұсталған азаматтың басқа да қылмыстарға қатыстылығы анықталуда. Тексеру амалдары жүргізілуде.
Өз кезегінде, Шымкент қаласының полицейлері тұрғындарға бейтаныс азаматтарға ақша бермеуге шақырады. Егер Сіз алаяқтықтың құрбаны немесе куәгері болсаңыз, тез арада 102 нөміріне хабарласыңыз.