Еліміздің азық–түлік қауіпсіздігін қамтамасыз етуге жылыжай шаруашылығының қосар үлесі зор. Бүгінгі таңда аталған салаға мемлекеттік қолдау көрсету мақсатында гектарлы субсидияны енгізу бойынша шешім қабылданып отыр.
Осыған орай, бүгін жылыжай шаруашылығын субсидиялауға қойылатын талаптар мен жылыжайларды стандарттау және қысқы маусымға дайындық жұмыстарын жүргізу бойынша түсіндіру жұмыстарын жүргізу мақсатында Сарыағаш ауданының жылыжай шаруашылығымен айналысушы агроқұрылым өкілдерімен кездесу өткізілді.
Кездесуге Түркістан облысының ауыл шаруашылығы басқармасының басшысы Т.Оспанов, Техникалық реттеу және метрология комитетінің Түркістан облысы бойынша
департамент басшысы Қ.Қабылбеков және «Ұлттық сараптау және сертификаттау орталығы» АҚ Оңтүстік Қазақстан филиалының өнім және қызмет көрсету сәйкестігін растау бөлімінің басшысы Ш.Сарсенова қатысты.
Айта кетсек, қазіргі уақытта ауданда 707,1 га жылыжай орналасқан, жылыжайлардан ағымдағы жылы бірінші айналымда 53274 тонна өнім жиналды.