Цифрландыруға көшудің бір тармағы электрондық форматта сот ісін жүргізу болып табылады.
Оны іске асыру бүкіл қылмыстық процестің ашықтығын қамтамасыз етуге, уақыт пен қаражатты үнемдеуге, тергеу мерзімдерін қысқартуға, жүйелі және сапалы қадағалауға бағытталған.
Бұл шешім сотқа дейінгі тергеу органдарының жұмысын жеңілдетіп қана қоймай, қылмыстық процеске қатысушылар үшін бірқатар мүмкіндіктер берді.
Сот ісін жүргізудің ашықтығы қамтамасыз етілді, материалдарды бұрмалау тәуекелдері азайтылды, тергеу мерзімдері қысқартылды.
А.ж. 11 айында электрондық форматта 4 965 қылмыстық іс немесе істерді жалпы тіркеудің 94% тіркелді.
ҚР Бас прокуратурасының Құқықтық статистика және арнайы есепке алу жөніндегі комитеті (бұдан әрі — Комитет) мемлекет кепілдік берген заң көмегін көрсету шеңберінде 2020 жылы адвокаттарды автоматтандырылған тағайындау бөлігінде «Сотқа дейінгі тергеп-тексерулердің бірыңғай тізілімі» ақпараттық жүйесін Әділет министрлігінің «Е-Заң көмегі» жүйесімен интеграциялауды қамтамасыз етті.
«Е-Заң көмегі» функционалының мақсаты халықты онлайн режимде білікті заң көмегімен қамтамасыз ету, адвокаттық қызметті және заң консультанттарының қызметін автоматтандыру болып табылады.
Бұл шешім азаматтарға жеке және заңды тұлғалар туралы деректерді енгізу арқылы консультация беру сатысында пәрменді құқықтық көмек көрсетуге мүмкіндік береді.
А.ж. 11 айында адвокаттарды тағайындау туралы 1 115 сұрау тіркелді.
2021 жылы Комитет Сотқа дейінгі тергеп-тексеруді бірыңғай тізілімде жүргізуге және тіркеуге және жұмыс орнынан тыс (қызметтік кабинеттерден тыс) тергеу әрекеттерін жүргізу мүмкіндігіне арналған «СДТБТ-offline» қосымшасын әзірледі.
Осы қосымша арқылы оқиға орнын тексеру, қылмыстық процеске қатысушылардан жауап алу хаттамаларын жасау, қылмыстық процеске қатысушылар деп тану туралы қаулылар шығару және т.б. көзделген.
Бұл қосымша алғашқы тергеу әрекеттерін жүргізу кезінде ең өзекті болып табылады.
Бұдан басқа, 2021 жылы Комитет «Сотқа дейінгі тергеп-тексерулердің бірыңғай тізілімі» ақпараттық жүйесін «Е-Экспертиза» (Е-Сараптама) сот-медициналық сараптамаларды электрондық форматта тергеп-тексерілетін қылмыстық істер бойынша электрондық тағайындау және олар бойынша нәтижелерді одан әрі қабылдау мүмкіндігі үшін интеграциялауды іске асырды.
Бұл функционал сот сараптамаларын жүргізудің іс жүргізу мерзімдерін қысқарту, сарапшылардың регламенттік мерзімдерді сақтауын бақылауды күшейту және қаржыны үнемдеу мақсатында жүзеге асырылды.
А.ж. 11 айында қылмыстық істер бойынша 1 961 сараптама тағайындалды.
Бұл инновациялық әзірлемелер тиімділік пен ашықтықты, сондай-ақ пайдаланудағы ұтқырлықты арттырады.
ҚР БП Құқықтық статистика және арнайы есепке алу жөніндегі
комитетінің Түркістан облысы бойынша департаменті
