Созақ ауылдық округі әкімі аппаратының мәжіліс залында ауыл әкімшіліне қарасты Әділ бидің кеңес жиыны өтті.
Аталған жиынды ауылдық округ әкімі Аяпов Батырхан Қаныбекұлы ашып, жүргізіп отырды.
Жиында ауылдық округтегі мекеме басшылары, ата-аналар комитеті, ауыл ақсақалдары, ауыл учаскелік полицейлері, ауыл жастары және көше комитеті төрағаларының қатыстырылуымен күн тәртібінде 3 мәселе қаралды.
Жиынның басында ауылдың төбе биі Нұрымбетов Асылхан Омарұлы бүгінгі күнде орын алып жатқан өзекті мәселелерді алға тартып баяндамашыларға сөз ұсынды.
Атап айтсақ, «Қазіргі қоғамдағы әдеп-ғұрыпты, салт-дәстүрді, ұлт тәрбиесіне келеңсіз кері әсерін болдырмау» бағыты сондай-ақ, ысырапшылық пен даңғазалықты тию бойынша ауыл имамы Рүстемов Сұлтанхан Әділханұлы, «Өскелең ұрпақтың денсаулығын сақтау және алдын алу шаралары» жөнінде ауылдық емхананың бас дәрігері Төлекенов Аян Қаржаубайұлы және «Отбасындағы зорлық-зомбылық» құқық бұзушылықтың алдын алу, болдырмау» жөнінде ауылдық учаскелік полиция инспекторы Айтишев Фарход Боранханұлы баяндама жасады.
Күн тәртібінде қаралған мәселелер бойынша ұсыныстар ортаға салынып, кең көлемде талқыланды.