Бүгін Шымкент қаласы Оңтүстік Қазақстан Политехникалық колледжінде «Мақсаттар бірлігі – рух бірлігі» тақырыбындағы дөңгелек үстел өтті. Шымкент қалалық ішкі саясат және жастар ісі жөніндегі басқармасы «Қоғамдық келісім» КММ мен Қазақстан Халқы Ассамблеясы «Ынтымақ» этносаралық қоғамдық бірлестігі бірлесе ұйымдастырған бұл шараның басты мақсаты – этносаралық келісімді нығайту, бірлік пен ынтымақты дәріптеу, сондай-ақ жастардың қоғамдық белсенділігін арттыру.
Жиынға бірлестік мүшелері, қоғам белсенділері, жас көшбасшылар, және колледж студенттері мен ұстаздары қатысты. Дөңгелек үстелдің модераторлығын Шымкент қаласы Политехникалық колледжі директордың тәрбие ісі жөніндегі орынбасары, Қазақстан халқы Ассамблеясы жанындағы Аналар кеңесінің мүшесі Жангул Садыкова мен «Ынтымақ» этносаралық қоғамдық бірлестігінің төрайымы Гауһар Төлепова атқарды.
Жиында Ж.А. Ташенов атындағы университеті «Педагогика және өнер» факультеті «Тарих және география» кафедрасының аға оқытушысы Асем Кашкинбаева, ҚХА жанындағы ғылыми-сарапшылық тобы жетекшісінің орынбасары Саипжамал Қорғанова, ҚХА жанындағы «Ынтымақ» этносаралық қоғамдық бірлестігінің жастар қанаты төрайымы Индира Бекмұратова, Шымкент қаласы Политехникалық колледжі «Қазақ тілі мен әдебиет» пәндік бірлестігінің төрайымы Ақтолқын Абдукадырова,«Дала қырандары» қоғамдық жастар білестігінің мүшелері Арман Утибаев, Наиль Димухамедов, Асылбек Қамбаров, Тимур Тамилов сөз сөйлеп, Қазақстан халқы Ассамблеясының тарихы, маңыздылығы, алдағы жоспары мен құрылымдары жайлы, этносаралық келісімнің маңыздылығы, жастардың қоғамдағы рөлін арттыру туралы сөз қозғалды.
Дөңгелек үстел соңында қатысушылар этносаралық келісімді нығайтуға бағытталған ұсыныстарымен бөлісіп, алдағы жоспарлар талқыланды. Сондай-ақ, шара барысында кездесуге қатысқан, сөз сөйлеген бірқатар азаматтар алғыс хаттармен марапатталды. Жиын жоғары деңгейде өтіп, қатысушылар өзара пікір алмасып, жаңа бастамаларға серпін берді.
Қоғамдық келісім баспасөз қызметі