Бүгін Шымкент қаласы жұмыспен қамту және әлеуметтік қорғау басқармасының басшысы Жанат Өтебаева басқармаға қарасты арнаулы әлеуметтік қызмет көрсету орталықтарының 2025 жылдың І жартыжылдығында атқарған жұмыстары бойынша есеп беру жиынын өткізді.
Жиында №4, №6, №7 және №12 орталық басшылары жыл басынан бергі қызмет нәтижелерімен таныстырды.
Қалада 42 479 мүгедектігі бар азамат тіркелген. 2025 жылғы 1 шілдедегі мәлімет бойынша, 3 236 адам арнаулы әлеуметтік қызметтермен қамтылды. Оның ішінде:
— Стационарлық жағдайда – 752 адам;
— Жартылай стационарлық жағдайда – 793 адам;
— Уақытша болу жағдайында – 402 адам;
— Үй жағдайында қызмет көрсету – 1 289 адам;
Бүгінде басқармаға қарасты 14 арнаулы әлеуметтік қызмет көрсету орталығы жұмыс істейді. Онда 1 600-ден аса қызметкер арнайы санаттағы азаматтарға көмек көрсетіп келеді.
