АШЫҚ ҚАБЫЛДАУ: ХАЛЫҚ МҮДДЕСІ – БАСТЫ БАҒЫТ

Мемлекет басшысы Қасым-Жомарт Тоқаев ұсынған «Халық үніне құлақ асатын мемлекет» тұжырымдамасы аясында Төлеби ауданының әкімі Еркеғали Әлімқұлов «AMANAT» партиясының Төлеби аудандық филиалымен бірлесіп қоғамдық қабылдау өткізді.
Аудан әкімдігінің ашық кеңсе залында өткен қабылдауда тұрғындар көкейлерінде жүрген мәселелерін ортаға салып, ұсыныс-пікірлері мен өтініштерін жеткізді. Ашық диалог алаңына айналған кездесуде тұрғындар негізінен тұрғын үйге қатысты сұрақтарын қойды. Атап айтқанда, тұрғын үй кезегіне тұру, кезектің жылжу барысы, әлеуметтік пәтерлерді бөлу шарттары, көпқабатты тұрғын үйлердің шатырын жөндеу, сондай-ақ коммуналдық салаға қатысты мәселелер көтерілді.
Аудан әкімі Еркеғали Амантайұлы әрбір тұрғынның өтінішіне жіті назар аударып, халықтың мұң-мұқтажы әрдайым басты назарда екенін атап өтті. Сонымен қатар, көтерілген мәселелердің ешқайсысы ескерусіз қалмайтынын айтып, оларды кезең-кезеңімен шешу бағытында тиісті бөлім басшыларына нақты тапсырмалар жүктеді.
Халықпен ашық пікір алмасуға негегізделген мұндай қабылдаулар тұрғындардың билікке деген сенімін арттырып қана қоймай, ел ішіндегі өзекті мәселелерді бірлесе талқылап, тиімді шешім қабылдауға мүмкіндік беретіні айтылды.
Жергілікті атқарушы орган жетекшісінің жетекші саяси ұйым саналатын «AMANAT» партиясының аудандық филиалы базасында азаматтарды қабылдауы — мемлекеттік басқарудың тиімділігін арттыратын маңызды қадам. Партияның қоғамдық қабылдау бөлмелері халық пен билік арасындағы алтын көпір іспетті. Мұндай бірлескен формат өтініштердің тек мемлекеттік органдар тарапынан ғана емес, сонымен бірге партиялық және қоғамдық бақылау сүзгісінен өтіп, әділ әрі сапалы орындалуына заңдық кепілдік береді.
Қазіргі таңда Төлеби ауданында халықтың әлеуметтік белсенділігі жоғары. Сондықтан ашық кеңсе форматында өткен бұл іс-шара әкімдік жұмысының айқындылығын көрсетті. Тұрғындар өздерінің жеке мәселелерін жасырын емес, ашық ортада талқылау арқылы билік шешімдерінің әділдігіне көз жеткізе алады. Бұл өз кезегінде қоғамдағы әлеуметтік шиеленістердің алдын алып, сыбайлас жемқорлық тәуекелдерін барынша азайтуға септігін тигізеді.
Қабылдау барысында көтерілген басты тақырып — баспана мәселесі Төлеби ауданы үшін ғана емес, бүкіл облыс көлемінде өзекті болып отыр. Еркеғали Әлімқұлов тұрғындарға аудандағы тұрғын үй құрылысының барысы мен кезекке тұру алгоритмдерін заң аясында нақтылап түсіндірді. Тұрғын үй заңнамасына сәйкес, мемлекеттік қордан берілетін пәтерлер тек қана электронды жүйедегі кезек реттілігі бойынша үлестіріледі. Бұл процесс толықтай автоматтандырылған және адам факторының араласуына жол берілмейді.
Тұрғындардың сұранысына орай, ауданда халықтың әлеуметтік осал топтарына, көпбалалы отбасыларға, жетім балаларға және бюджеттік сала қызметкерлеріне арналған жеңілдетілген тұрғын үй бағдарламалары кеңінен таныстырылды. Сонымен қатар, көпқабатты үйлердің шатырларын жаңғырту және тұрғын үй-коммуналдық шаруашылығын (ТҮКШ) дамыту мәселелері бойынша мынадай бағыттар белгіленді:
— Тұрғын үйлерді модернизациялау: Көпқабатты тұрғын үйлердің шатыры мен қасбетін (фасадын) жөндеу жұмыстарын мемлекеттік қайтарымды бағдарламалар немесе демеушілер есебінен жүргізу мүмкіндіктерін қарастыру;
— Инфрақұрылымдық қолдау: Жаңа тұрғын үй массивтерін ауыз сумен, табиғи газбен және сапалы электр қуатымен қамтамасыз ету жобаларын жеделдету;
— Сапалы қызмет көрсету: Пәтер иелерінің кооперативтері (ПИК) мен мүлік иелерінің бірлестіктері (МИБ) жұмысын заман талабына сай ретке келтіру.
Қоғамдық қабылдаудың нәтижелілігі — онда көтерілген мәселелердің қаншалықты деңгейде шешілгендігімен өлшенеді. Осы орайда, аудан әкімі Еркеғали Амантайұлы әрбір азаматтың өтінішін хаттамалық тапсырма ретінде тіркеп, жауапты бөлім басшыларына нақты мерзімдер бекітіп берді. Әкімдік пен «AMANAT» партиясының бірлескен бақылау тобы бұл тапсырмалардың мерзімінде әрі сапалы орындалуын қатаң қадағалайтын болады.
Мұндай ашық диалог алаңдары Төлеби ауданында дәстүрлі түрде, ай сайын тұрақты өткізіліп тұрады. Аудан басшылығы алдағы уақытта да шалғай ауылдық округтерге арнайы барып, көшпелі қабылдаулар ұйымдастыруды жоспарлап отыр. Хаттамаға енген әрбір мәселе бойынша атқарылған жұмыстардың есебі бұқаралық ақпарат құралдары мен әлеуметтік желілерде жарияланып, халыққа тұрақты түрде есеп беріліп отырады. Бұл — мемлекеттік органдардың жұмыс тиімділігін арттырудың ең басты кепілі.