М.Әуезов атындағы ОҚУ-де университетінің студенттері жыл сайын республикалық және халықаралық деңгейдегі пәндік олимпиадаларда, ғылыми жобалар байқауларында, шығармашылық және спорттық жарыстарда жоғары нәтижелер көрсетіп, оқу орнының абыройын асқақтатып келеді. Биыл да талантты жастар түрлі додада топ жарып, университет қоржынына кезекті жеңістерін салды.
Осы орайда Әуезов университетінде республикалық және халықаралық деңгейдегі пәндік, ғылыми және спорттық жарыстарда топ жарып, оқу орнының мерейін асқақтатқан үздік студенттерді марапаттау рәсімі өтті.
Іс-шара барысында Академиялық мәселелер жөніндегі проректор Ерnar Иманғалиев студенттерді жарқын жетістіктерімен құттықтап, кездесудің басты мақсаты – университет мақтаныштарын бір ортаға жинап, өзара таныстырып, достық қарым-қатынас орнатуға мүмкіндік жасау екенін атап өтті.
Жас дарындардың ғылым, білім және спорт саласындағы осындай жоғары көрсеткіштері жоғары оқу орнындағы сапалы білім беру жүйесі мен шығармашылық ортаның тиімді қалыптасқанын айқын көрсетеді. Заманауи зертханалар мен ғылыми орталықтарда аянбай еңбек етіп, өз білімін іс жүзінде дәлелдеген студенттердің жетістігі өзге қатарластарына үлкен серпін берері сөзсіз. Мемлекет тарапынан білімді ұрпаққа көрсетіліп жатқан қолдау мен оқу орны басшылығының жас ғалымдарға жасаған қолайлы жағдайлары осындай ауқымды жеңістерге негіз болып отыр. Бұл бағыттағы жүйелі жұмыстар алдағы уақытта да зерттеу университетінің интеллектуалдық әлеуетін арттыруға септігін тигізеді.
Салтанатты жиында көрсетілген құрмет жас мамандардың кәсіби тұрғыдан өсуіне және қоғамның дамуына өзіндік үлестерін қосуға жаңа мүмкіндіктер ашады. Түрлі деңгейдегі байқаулар мен додаларда білім мен шеберліктің озық үлгісін көрсеткен студенттер тек өз оқу орнының ғана емес, тұтас өңірдің мақтанышы болып табылады. Олардың бойындағы еңбекқорлық, жауапкершілік және ізденімпаздық қасиеттер еліміздің бәсекеге қабілетті адами капиталын қалыптастырудың басты кепіліне айналмақ. Университет қабырғасында басталған бұл жарқын жол болашақта үлкен өндіріс орындары мен ғылыми жобаларда өз жалғасын табады деп күтілуде.
Университет абыройын асқақтатып жүрген белсенді жастарға алдағы уақытта да толағай табыстар мен жаңа жеңістер тілейміз!
https://www.facebook.com/reel/1700021017801463
