Мемлекет басшысының Жолдауында құқық қорғаушыларға халықпен тығыз жұмыс жасап заңдылықтарды сақтау, құқық бұзушылықтардың алдын алу, заң ережелері мен талаптарын түсіндіру арқылы ғана мемлекет пен азаматтар арасында сенім орнығып, жауапкершілік артатыны ескертілген. Шымкент қаласы полиция Департаменті жоғарыдағы жағдайлар бойынша пандемиялық кезде де карантин ережелерін сақтай отырып халықпен тығыз жұмыс жасап келеді.
Шымкенттік полицейлер суға шомылуға қатысты қауіпсіздік ережелерін сақтау бойынша түсіндірме жұмыстарын жүргізуде.
Жаз мезгілінде қала аумағындағы шомылатын өзен, су жағалауларында демалатын халықтың қарасы көбейеді. Төтенше жағдай қызметі мен полиция қызметкерлерінің судағы қауіпсіздік ережелерін сақтау туралы ескертулеріне қарамастан, суға кету және жарақаттану жағдайлары жиі кездеседі. Суға батып кетудің негізгі себептері — қарапайым қауіпсіздік ережелерінің сақталмауы, тыйым салынған орындарда шомылу, суға мас күйінде түсу, сондай-ақ, балаларды қараусыз қалдыру жағдайларының кесірінен орын алады.
Осыған орай, Шымкент ҚПД Әл-фараби АПБ-ның қызметкерлері тұрғындарға «Судағы қауіпсіздік шаралары мен ережелері» туралы толығырақ түсіндірді. Субұрқақта шомылуға болмайтынын айтып, электр қатеріне ұшырау қауіпі бар екенін ескертті. Жас балалардың суда жүзе алмауы, адамдардың судағы қауіпсіздік ережелерін орындамауы — орны толмас қайғы мен өкінішке айналатын кездер көп.
Шымкент қаласы Полиция департаментінің қызметкерлері осындай келеңсіз оқиғаларды болдырмау үшін суда балаларды қараусыз қалдырмауға, тек рұқсат етілген жерлер мен жағажайларда шомылуға кеңес береді.