Биылғы жылға арнаған «Жаңа жағдайдағы Қазақстан: іс-қимыл кезеңі» деп аталатын Жолдауында Мемлекет басшысы қылмыс пен құқық бұзушылықтың алдын алу, түсіндіру жұмыстарын жүргізудің қажеттігін, әсіресе, сыбайлас жемқорлыққа қатысты қылмыстардың жазасын қатайтып, жолын кесуді тапсырған.
Құқық бұзушылықтың жолын кесіп, алдын алудың тиімді бір жолы адамдармен, ұжымдармен кездесіп заң бұзушылық үшін қандай жазаларға душар болатынын, заң бұзуға бармауды түсіндіру болып табылады. Сондықтан да, Қазақстан Республикасының Сыбайлас жемқорлыққа қарсы іс-қимыл Агенттігінің Шымкент қаласы бойынша департаментінің бастамасымен «Ветеринариялық қызмет» шаруашылық жүргізу құқығындағы МКК ұжымымен кездесу өтті.
Шараға Департамент басшысының бірінші орынбасары Т.Серікбаев, Ветеринариялық қызмет мекемесінің директоры Н.Зейнолла, қалалық ақпараттық-ағартушылық штабының мүшесі Қ.Анарбаев және «Шымкент-адалдық алаңы» жобалық кеңсесінің басшысы Ж.Қамбар қатысты.
Жиын барысында сыбайлас жемқорлықтың алдын алу бағыттары бойынша атқарылып жатқан жұмыстар, жемқорлыққа қарсы іс-қимылды күшейту жөнінде қабылданған заңнамалық шаралар қатысушылардың назарына жеткізілді.
Одан бөлек, «Шымкент-адалдық алаңы» жобалық кеңсесінің жұмысы таныстырылып, парасаттылық құндылылықтары сөз етілді. Жиын соңында жемқорлық деңгейін төмендету бойынша бірқатар ұсыныстар тыңдалып, жемқорлықпен күрес шаралары барлық мемлекеттік мекеме басшысының қызметінде басым бағыттардың бірі болуы қажет екендігі ескертілді.