Мемлекет басшысы Қ. К. Тоқаев мүмкіндігі шектеулі жандардың қоғамда өздерін басқалармен тең дәрежеде сезініп, қоғамның толыққанды азаматы болуына мүмкіндік жасау керектігін айтқан. Соған орай Шымкент қаласында үлкен істер атқарылуда.
Миллионнан астам тұрғыны бар қалада мүмкіндігі шектеулі жандарды қоғамның толыққанды мүшесіндей сезінту мақсатында арнайы кітапхана бұрыннан жұмыс істеп келеді. Соңғы жылдары онда сол көзі нашар көретін жандар жиналып белсенді түрде түрлі іс-шаралар ұйымдастыруда.
Шымкент қаласының көзі көрмейтін және әлсіз көретін азаматтарға арналған арнайы кітапханасында «ІЗГІЛІК МЕКЕНІ» атты телебағдарлама жарық көрді. Бағдарламаның басты мақсаты – оқырмандарды кітапханаға тарту, елге елеулі қоғам қайраткерлері, дара тұлғалармен қатар өмірге құштар өнерлі, дарынды мүмкіндігі шектеулі азаматтармен кездесу кештерін ұйымдастыру, сұхбаттар өткізу және кітапхана имиджін көтеру.
Қазақстан Тәуелсіздігінің 30 жылдығы аясында еліміздің рухани дамуына елеулі үлес қосып, еңбек сіңірген мәдениет, әдебиет, өнер саласының өзіндік орны бар тұлғалармен кездесу арқылы зағип жандар өмірге құштарлығы артып, алға ұмтылары сөзсіз. Бағдарламаны тізгіндеп, ұйымдастыруға жауапты – «Ерекше жандар», «Шалқар шабыт» айдарларының жүргізушісі, арнайы кітапхана қызметкері Ербек Бакиев.