Шымкент қаласында карантиндік талаптарды сақтауды қадағалау күшейтілуде. Қаланың құқық қорғаушылары карантин ережелерін сақтамай құқық бұзушылыққа орын берген нысандарды анықтау мақсатында тұрақты түрде рейдтік іс-шаралар жүргізуде.
Әл-Фараби АПБ қызметкерлері карантин талаптарының сақталуын бақылау мақсатында күнделікті рейдтік іс-шара жүргізу барысында 2021 жылдың 15-тамызында, түнгі сағат 02:00-де аудан аумағында орналасқан «Кокос» кафесі карантиндік шектеулерді бұзып, келушілерді қабылдап жатқаны анықталды.
Карантин талаптарын сақтамаған кәсіп иесіне ҚР ӘҚБтК-нің 425 -бабымен (Халықтың санитариялық-эпидемиологиялық саламаттылығы саласындағы заңнама талаптарын, сондай-ақ гигиеналық нормативтердi бұзу) шара қолдану үшін іс-құжаттары Шымкент қаласының санитарлық-эпидемиологиялық бақылау департаментіне жолданды.
Осы Әл-Фараби аудандық полиция басқармасының мобильді топтары кәсіпкерлік субъектілердің карантин режимін бұзғанын анықтау және бұл жайттардың жолын кесу бойынша күшейтілген жұмыс жүргізуде.
Коронавирустық инфекцияның алдын алу, таралу және жұқтыру қаупіне қарамастан, бірқатар мекемелер карантиндік шектеулерді жүйелі түрде бұзып келеді. Сондайдың бірі Дулати көшесінде орналасқан «Benjamin» рестобары карантин талаптарына бағынбай, жұмысын жалғастырып жатқаны анықталды. Осы анықталған жайтқа қатысты жинақталған материалдар шара қабылдау үшін Әл-Фараби ауданы бойынша Санитарлық-эпидемиологиялық бақылау департаментіне іс-құжаттар жолданып, рестобар әкімшісінен түсініктеме алынды.