Ел басшысының эпидахуалға байланысты карантин талаптарын күшейтіп, оны сақтамағандарға қатаң шаралар қолдану туралы айтқанынан кейін Шымкент қаласында да карантин ережелерінің сақталуын бақылаушы мобильдік топтар саны көбейтіліп, жұмысы күшейтілді.
Әл-Фараби аудандық полиция басқармасының мобильді топтары кәсіпкерлік субъектілердің карантин режимін бұзғанын анықтау және бұл жайттардың жолын кесу бойынша күшейтілген жұмыс жүргізуде.
Коронавирустық инфекцияның алдын алу, таралу және жұқтыру қаупіне қарамастан, бірқатар мекемелер карантиндік шектеулерді жүйелі түрде бұзып келеді.
2021 жылдың 12-тамызында түнгі уақытта сағат 00-30-да Әл-Фараби ауданындағы Байтұрсынов көшесінде орналасқан «Айко» саунасы карантин талаптарына бағынбай жұмысын жалғастырып жатқаны анықталды. Осы анықталған жайтқа қатысты жинақталған материалдар шара қабылдау үшін Әл-Фараби ауданы бойынша Санитарлық-эпидемиологиялық бақылау департаментіне іс-құжаттар жолданып, сауна әкімшісінен түсініктеме алынды.
Осы Әл-Фараби ауданы Полиция басқармасының қызметкерлері карантин талаптарының сақталуын бақылау мақсатында рейдтік іс-шара жүргізуде.
2021 жылдың 12-тамызында түнгі сағат 23-30-да Шымкент қаласы Рысқұлов көшесінде орналасқан «Ақ жол» саунасы ашық түрде келушілерді қабылдап, карантин режимін бұзғаны анықталды.
Шымкент қаласы Бас санитарлық дәрігерінің қаулысында көрсетілген шектеулерді елемей жұмыс жасағандықтан, сауна әкімшілігінен түсініктеме алынды. Жинақталған іс-құжаттар Шымкент қаласы Әл-Фараби ауданы Санитарлық-эпидемиологиялық бақылау департаментіне ҚР ӘҚБтК-нің 425-бабы 1-бөлігіне сәйкес шара көру үшін жолданды.
Шымкент қаласы Полиция департаментінің қызметкерлері қала тұрғындары мен қонақтарын карантин режимін қатаң сақтауға шақырады.
САУНАЛАРДА КАРАНТИН ТАЛАПТАРЫ САҚТАЛМАҒАН
By ais_media