Шымкент қалалық полиция Департаменті қызметкерлері халық үніне құлақ асып, олардың мұң-мұқтаждарына мән беруде. Әсіресе қоғамдағы әлсіз топтарға жататын жасөспірімдер мен мүмкіндігі шектеулі жандардың арыз-өтініштеріне дереу көңіл бөліп, оларды қанағаттандыру құқық қорғаушылардың негізгі міндеттерінің бірі.
2021 жылдың 14-тамызында Әл-Фараби АПБ-ның «102» нөміріне Шымкент қаласының тұрғыны арызданған. Ол өз арызында, белгісіз тұлға үйдің ауласында ойнап жүрген жасөспірім ұлының қолында болған құны 120.000 теңге тұратын «Самсунг» маркалы ұялы телефонын тартып алып кеткенін жазып көрсеткен.
Әл-Фараби АПБ Криминалдық полиция бөлімінің қызметкерлерімен жедел-іздестіру іс шараларын жүргізу барысында Шымкент қаласының тұрғыны анықталып, ұсталды. Ұсталған азаматтың басқа да қылмыстарға қатыстылығы анықталуда. Тексеру амалдары жүргізілуде.
Ал, 2021 жылдың 13-тамызында Әл-Фараби АПБ-ның «102» нөміріне Шымкент қаласының тұрғыны арызданды. Ол өз арызында, бейтаныс азаматша ұлын мүгедектік топқа шығарып беретінін айтып, сеніміне кіріп, 220.000 теңге ақшасын алаяқтық жолмен иемденгенін жазып көрсеткен.
Әл-Фараби АПБ ЖПҚБ №29 УПП қызметкерлерімен жедел-іздестіру іс шараларын жүргізу барысында жергілікті жердің тұрғыны анықталып, жеткізілді. Ұсталған азаматшаның басқа да қылмыстарға қатыстылығы анықталуда. Тексеру амалдары жүргізілуде.
Өз кезегінде, Шымкент қаласының полицейлері бейтаныс азаматтарға ақша бермеуге шақырады.