Шымкент қаласында «OMIR SHYMKENT» туристік этно-глэмпинг кешенінің құрылысы бекітілген графикке сәйкес жалғасуда. Жобаны іске асыру ішкі және келу туризмін дамытуға, өңірдің туристік әлеуетін арттыруға, сондай-ақ заманауи және тұрақты демалыс инфрақұрылымын қалыптастыруға бағытталған.
Жоба аясында глэмпинг және капсулалық үйлер, заманауи модульді ғимараттар, мейрамхана, SPA-бассейн, спорттық және балалар алаңдары, сондай-ақ жылқы ұстау мен шарап өндіру аймақтары салу көзделген.
Жобаның бірінші кезеңін 2026 жылдың мамыр айында пайдалануға беру жоспарланып отыр. «OMIR SHYMKENT» кешені іске қосылғаннан кейін Шымкенттің жаңа туристік нысаны ғана емес, Қазақстандағы этнотуризмнің маңызды орталығына айналып, өңір экономикасына оң әсер етеді.