Шымкент қаласындағы «Оңтүстік» индустриялық аймағында бу құбырын салу жобасы іске асырылуда. Жобаның мердігері – «Отау Строй» ЖШС. Құрылыс жұмыстары 2024 жылғы қараша айында басталып, нысанды 2026 жылы толық аяқтау жоспарланған.
Бу құбырының жалпы ұзындығы 4,3 шақырымды құрайды. Жоба индустриялық аймақты инженерлік инфрақұрылыммен қамтамасыз етуге, сондай-ақ аймақта орналасқан кәсіпорындардың өндірістік тиімділігін арттыруға бағытталған. Құрылыс барысында диаметрі 108 мм және 325 мм болат құбырлар қолданылуда.
Жаңа бу желісі индустриялық аймақтағы кәсіпорындарды қажетті технологиялық параметрлерге сәйкес бумен қамтамасыз ететін болады. Бұл өндіріс орындарының үздіксіз әрі тиімді жұмысын қамтамасыз етіп, технологиялық процестердің тұрақтылығы мен сенімділігін арттыруға мүмкіндік береді.