Республика басшысы Қасым-Жомарт Тоқаев өзінің биылғы жылға арнаған Жолдауында және «Егемен Қазақстан» газетінде жарияланған Қазақстан Республикасының Тәуелсіздігі жайындағы мақаласында Қазақстан Республикасының Тәуелсіздігінің 30 жылдық мерейтойын ысырапқорлықпен, даңғойлық, даңғазалықпен өткізбей халық нақты сезінетіндей игілікті де халыққа пайдалы істермен атап өтуді тапсырған болатын.
Мемлекет басшысының бұл ұсынысын халықтық партия іліп әкетті. ҚР Тәуелсіздігінің 30 жылдығына орай “Nur Otan” партиясы “30 Қайрымды іс” жобасы аясында Шымкент қалалық мәслихат депутаты, фракция мүшесі Қайрат Сүлейменов және «Пища жизни» дәмхана желісінің қолдауымен, сондай-ақ Шымкент қалалық «Жастар ресурстық орталығы» КММ-нің ұйымдастыруымен 36 вакцинациялау бекеттеріне ыстық тамақтар үлестірілді. Жастар орталығының өкілдері бұл шарада белсенділік танытты.
Жобаның мақсаты – ақ халатты абзал жандарға осынау індет белең алып тұрған кезеңде талмай еңбек етіп, халыққа аянбай көмек қолын созып жатқандары үшін, үлкен құрмет көрсету болатын. Сол сияқты халықтың тәуелсіздік мерейтойын сезініп, коронавирспен күрес кезеңіндегі дәрігерлердің ерен еңбегіне құрметін оятып, індетпен бірлесе күресу үшін вакцина салдырудың қажеттігін де сезінулеріне бұл іс-шараның әсері болары анық.