М. ӘУЕЗОВ АТЫНДАҒЫ ОҚУ МЕН SEOUL NATIONAL UNIVERSITY АКАДЕМИЯЛЫҚ ЖӘНЕ ҒЫЛЫМИ ЫНТЫМАҚТАСТЫҚТЫ НЫҒАЙТУДА

2026 жылғы 1 шілдеде М. Әуезов атындағы Оңтүстік Қазақстан университетінде Корея Республикасының Seoul National University Graduate School of International Agricultural Technology (GSIAT) өкілдерімен ресми кездесу өтті.
Іс-шараға М. Әуезов атындағы ОҚУ Басқарма Төрағасы-ректордың міндетін уақытша атқарушы Ғани Бесбаев, проректорлар және университеттің құрылымдық бөлімшелерінің басшылары қатысты.
Протоколдық кездесу барысында тараптар білім беру, ғылым, академиялық ұтқырлық, бірлескен ғылыми-зерттеу жобаларын жүзеге асыру және білім алушылардың Seoul National University стипендиялық бағдарламаларына қатысу мүмкіндіктері бойынша ынтымақтастықты дамыту перспективаларын талқылады.
Кездесу барысында аграрлық технологиялар, су ресурстары, орнықты даму, климаттық экономика және инновациялар бағыттарындағы өзара іс-қимылды дамыту мәселелеріне ерекше назар аударылды.
Сапардың маңызды оқиғаларының бірі М. Әуезов атындағы ОҚУ мен Seoul National University Graduate School of International Agricultural Technology (GSIAT) арасында ынтымақтастық туралы меморандумға қол қою рәсімі болды. Бұл құжат серіктестік қатынастарды одан әрі дамытуға, бірлескен білім беру бастамаларын жүзеге асыруға және екі университет арасындағы ғылыми ынтымақтастықты кеңейтуге негіз қалайды.
Бағдарлама аясында магистранттармен, докторанттармен және профессор-оқытушылар құрамымен кездесу, Аграрлық факультеттің таныстырылымы, ынтымақтастықтың келешек бағыттарын талқылау, сондай-ақ факультеттің оқу-тәжірибе базаларына таныстыру сапары жоспарланған.
Seoul National University делегациясының сапары М. Әуезов атындағы ОҚУ-дың халықаралық серіктестігін нығайтудағы маңызды қадам болып табылады және университеттің студенттері, оқытушылары мен зерттеушілері үшін жаңа мүмкіндіктерге жол ашады.