Мемлекет басшысының «Таза Қазақстан», «Таза қала» тазалық акцияларын қолдап, оларды науқандық емес дәстүрлі акцияға айналдыру керек дегені бар. Еліміздегі үшінші мегаполисте бұл тазалық акциялары бүгінде дәстүрлі шараларға айналған. Мегаполистегі төрт ауданда әкімдіктер, жастардың «Жасыл ел» еңбек жасағы, басқа да қоғамдық ұйымдар бірлесе отырып көктемнің басынан қара күзге дейін тазалық акцияларын жүзеге асырып отырады.
Шымкент қаласының әкімі М.Әйтеновтің қала аумағындағы санитарлық тазалық жұмыстарын жандандыру жөніндегі тапсырмасына сәйкес Шымкент қаласы Абай ауданы әкімі Б.Парманов аудан аумағындағы кезекті тазалық акциясына қатысты. Аталған іс-шара Абай ауданы әкімі аппараты және «Жасыл ел» жастар еңбек жасағымен бірге ұйымдастырылды.
Іс-шараның басты мақсаты – тазалық жұмыстарын насихаттау, халық арасында қоқыс тастамау мәдениетін қалыптастыру. Қала, оның көшелері мен саябақ, гүлзарлары, басқа да орындары таза болса ол тұрғындардың жайлы өмір сүруі үшін пайдалы екенін бүгінде шымкенттіктер түсініп те келеді.
Тазалық акциясы барысында «8 шағынаудандағы көп қабатты тұрғын үйлер аулалары мен аллеясы қоқыстан толығымен тазартылды. Іс-шараға 200 ерікті жастар мен аудан әкімі аппараты қызметкерлері, мердігер мекемелер қатысты. Осындай тазалық жұмыстарын көрген қала тұрғындары да қоқысты көрінген жерге тастамайтын, тазалықты сақтайтын болады. Сол сияқты бұлш акциядан «Жасыл ел» жастар еңбек жасағы студенттердің материалдық және әлеуметтік мәселелерін шешу, жастарды еңбекке баулу, жұмысқа деген ынтасын ояту және бос уақыттарын тиімді пайдалану мәселелері де шешімін табады.