Мемлекет басшысы Қ.К.Тоқаевтың Жолдауын жүзеге асырып, құқық бұзушылықтың алдын алу, жолын кесу мақсатында Шымкент қаласының әкімдігі мен құқық қорғаушылары қарқынды жұмыс жүргізіп келеді. Ағымдағы жылдың 30-шілдесінде Шымкент ҚПД Криминалдық полиция басқармасының қызметкерлері Халықаралық адам саудасына қарсы күрес күніне орай, қала аумағында ауқымды акция ұйымдастырды.
Іс-шараның мақсаты адам саудасына қатысты қылмыстардың алдын алу және оларды болдырмау болып табылады.
Аталған шараға қалалық Жұмыспен қамту және әлеуметтік қорғау басқармасы, «Самғау сенім» арнаулы әлеуметтік қолдау орталығы, «Сана сезім» әйелдер бастамасының құқықтық орталығының өкілдері атсалысты.
Акция барысында тәртіп сақшылары теміржол вокзалы, әуежай, Халыққа қызмет көрсету орталықтарында адам саудасының профилактикасы бойынша түсіндірме жұмыстарын жүргізді. Полицейлер қала тұрғындарына адам саудасы фактілері туралы кеңінен ақпарат беріп, бұл құқық бұзушылықтарға куә болған жағдайда жедел ішкі істер органдарына хабар беру керектігін түсіндірді.
Сондай-ақ, акция барысында азаматтарға республикалық «қызу желілердің» логотиптері бар парақшалар, қаламсаптар, блокноттар және шынаяқтар таратылды.
Бұл бағыттағы жұмыстар тек белгілі күнге байланысты ғана емес, жоспарлы түрде алдағы уақытта да жалғасын табатын болады.
«Newqazaq.kz» ақпараттық порталы.