Мемлекет басшысы өз Жолдауында ғана емес басқа сөздерінде де еліміздің дұрыс дамуы үшін заңдылық сақталып, құқық бұзушылықтың алдын алу керектігін, азаматтарымыз өркениетті елдердегідей заңдылыққа мойынсұнуы қажеттігін айтып келеді.
Еліміздегі үшінші мегаполисте қаланың барлық аумағында құқық бұзушылықтың алдын алу, жолын кесу бойынша тұрақты жұмыс жүргізіліп келеді. Кеше Шымкент қалалық полиция Департаментінің Еңбекші АПБ-ның қызметкерлері аудан аумағында заңсыз сауда жасаушыларға кезекті рейдтік іс-шараларды жүргізді. Рейд барысында «Сайрам» шағынауданы аумағындағы жол бойында белгіленбеген орында сауда-саттық жасап жатқан азаматша анықталды.
Сондай-ақ қаланың Әл-Фараби АПБ-ның қызметкерлері аудан аумағында заңсыз сауда жасаушыларға кезекті рейдтік іс-шараларды жүргізді. Рейд барысында аудан аумағындағы жол бойында белгіленбеген орында сауда-саттық жасап жатқан азаматтар анықталды.
Ретсіз («жабайы») саудамен айналысып жатқан тұлғаларға ҚР ӘҚБтК-нің 204-бабы (Белгiленбеген орындарда сауда жасау) бойынша әкімшілік хаттама толтырылды.
Әкімшілік аумаққа жауапты учаскелік полиция инспекторлары заңсыз саудамен айналысып жүрген азаматтарға профилактикалық түсіндіру жұмыстарын жүргізіп, ескерту жасады. Бұл бағыттағы жұмыстар алдағы уақытта да тұрақты түрде жүргізілетін болады.