М.Әуезов атындағы Оңтүстік Қазақстан университетінің Шыршық қаласындағы филиалында халықаралық ынтымақтастықты дамытуға бағытталған бірқатар маңызды кездесулер өтті.
Кездесулер барысында білім беру және ғылыми-зерттеу салаларындағы өзара байланысты нығайту, халықаралық тәжірибені оқу үдерісіне енгізу, бірлескен ғылыми жобаларды жүзеге асыру және студенттер мен оқытушылардың академиялық әрі практикалық тәжірибе алмасуын кеңейту мәселелері талқыланды.
Атап айтқанда, филиал директоры Айтуреев Мұрат Жарылқасынұлы мен Шыршық мемлекеттік педагогика университетінің ректоры Мухамедов Гафурджан Исроилович ынтымақтастық туралы меморандум мен келісімге қол қойды. Құжаттар аясында бірлескен ғылыми және білім беру жобаларын іске асыру, академиялық алмасуды дамыту, профессор-оқытушылар құрамы мен студенттердің тәжірибе алмасуына жағдай жасау көзделген.
Сонымен қатар, филиал басшылығы Suzhou University of Technology профессоры Мажидов Шохрух Ахмеддинұлымен кездесу өткізіп, оқу процесіне озық технологияларды енгізу, студенттердің теориялық білімін практикалық тәжірибемен ұштастыру және еңбек нарығына қажетті заманауи кәсіби дағдыларды қалыптастыру мәселелерін талқылады.
Кездесу қорытындысында тараптар өзара тәжірибе алмасуды жалғастырып, филиал студенттері үшін халықаралық білім беру мүмкіндіктерін кеңейтуге бағытталған бірлескен бастамаларды жүзеге асыруға ниетті екенін білдірді. Алдағы уақытта Suzhou University of Technology университетімен ынтымақтастық туралы меморандум жасау жөнінде Меморандум түзу туралы келісілді.