​ҚҰҚЫҚ ҚОРҒАУШЫЛАР ӘБЖІЛДІК ТАНЫТТЫ

Шымкент қалалық полиция департаментінде қала тұрғындарымен тығыз байланысты жұмыс жүргізіп, олардың арыз-шағымдарын тез орындап, құқық бұзушылықтың алдын алуға, заңсыз әрекеттерді дер кезінде құрықтауға тырысып келеді. 2021 жылдың 5-тамызында Әл-Фараби АПБ-ның «102» нөміріне жергілікті жердің тұрғыны арызданған. Ол өз арызында, белгісіз тұлға үйінен құны 270 000 теңге тұратын алтын сырғасы мен 100 000 теңге тұратын жүзігін ұрлап кеткенін көрсеткен.
Тәртіп сақшылары жедел әрекет ету арқылы ұрлық жайты болған мекенжайға тез арада жетеді. Көрген білгендерден сұрастырып, көршілерімен сауалнамалар жүргізеді. Нәтижесінде полицейлер жеделділіктерін танытып, ұрлық жасаған күдіктіні қолға түсіреді. Ол жәбірленушінің бірге тұратын көршісі болып шығады.
​Әл-Фараби АПБ Криминалдық полиция бөлімінің қызметкерлерімен Шымкент қаласының тұрғыны анықталды. Тексеру амалдары жүргізілуде.
​Шымкент қаласының полицейлері азаматтарға жеке мүлікке мұқият болып, сақтық шараларын қолдану қажеттілігін ескертеді.
​Егер сіз ұрлықтың құрбаны немесе куәгері болсаңыз, тез арада «102» нөміріне хабарласыңыз. Сіздің берген ақпаратыңыз, ұрлық қылмысының тез арада ашылуына өз септігін тигізеді.