Жетісай ауданының білім бөлімінің «Әл-Фараби атындағы №12 жалпы білім беретін мектебінде біртұтас тәрбие аясында «Ата-аналарды педагогикалық қолдау орталығы» ашылып, ата-аналармен ауқымды жұмыстар жүргізілуде. Директордың тәрбиі ісі жөніндегі орынбасары Н.Дарибаеваның ұйымдастыруымен, педагог-психологы К.Акимова мен сынып жетекшілер: С.Каскабаева, Б.Дарменова және М.Усенова бірлесіп, 1 сынып ата-аналарымен «Таным қуанышы: Баланың қызыға оқуына қалай көмектесеміз?» тақырыбында тренинг сабақ өткізді.
Атап айтсақ: 2023 жылдың 24 қараша күні 11 сынып жетекшілері А.Жакупова және С.Ибрагимова, педагог-психологтар К.Акимова, А.Жасузаковамен бірлесе отырып 11 сынып ата-аналарымен «Сен жанбасаң лапылдап… Балаға мамандық таңдауға қалай көмектесуге болады?» тақырыбында дөңгелек үстөл өткізді.
Мақсаты: мамандық таңдау кезінде балаға қолдау көрсету үшін ата-аналарға психологиялық көмек беру. Баланың жеке тұлғасының ерекшеліктерін, қызығушылықтарын, қабілеттерін анықтау дағдыларын дамыту.
2023 жылдың 27 қараша күні сынып жетекшілері Б.Орынбаева, Ш.Байділдаева және педагог психологтар А.Жасузакова, К.Акимова бірлесіп, 5 сынып ата-аналарымен «Ақыл айтпа, жол көрсет» тақырыбында жиналыс өткізді. Бейімделу процесіне жасөспірімнің өзін-өзі бағалауының әсеріне отбасы мен мектептің өзара әрекеті мазмұнындағы сабақ ата-аналар үшін өте пайдалы болды.
Балаларды тәрбиелеу мен дамытуда ата-аналарды педагогикалық қолдау, мектептің ата-аналармен қарым-қатынасын күшейту, сондай ақ берекелі отбасын мәдениетін дамыту, балаларды тәрбиелеу мен дамытуда білім беру ұйымы мен отбасы арасындағы өзара іс-қимылды нығайту мақсатында жасалынып жатқан жұмыстар жыл бойы жалғасын табатын болады.