Түркістан облысы Төлеби ауданындағы облыстық маңызы бар КХ-93 «Қасқасу-Кеңесарық-Майбұлақ» автомобиль жолының 1,65 шақырымы жөндеуден өткізіліп, пайдалануға берілді.
Жөндеу жұмыстары барысында ескі асфальт жабындысы толықтай жаңартылып, қауіпті аймақтарға 250 метр қашықтықта арнайы темір жолақтар орнатылды. Сондай-ақ, елдімекеннің ішіне 2 жақтама аяқжол салынып, 55 дана жарықтандыру шамдарымен қамтамасыз етілді.
Облыстық жолаушылар көлігі және автомобиль жолдары басқармасының тапсырысымен жөндеу жұмыстарын мердігер «Достық Спец Транс» ЖШС жүргізген. Атқарылған жұмыстардың сапасы тиісті мекеме тарапынан тұрақты бақылауда болды.
