Келес ауданы әкімі аппаратында аудан прокуратурасы бастамасымен өткен жылы аудан аумағындағы діни тұрақтылықты қамтамасыз ету және діни экстремизмнің, деструтивті діни ағымдардың үгіт-насихатының алдын алу бағытындағы атқарылған жұмыс деңгейі, 2024 жылы атқарылатын жұмыс жоспары бойынша мекемеаралық мәжіліс өтті.
Жиынға Келес ауданының әкімі Жәнібек Ағыбаев, аудан прокуроры Нұрлан Ешенқұлов, Түркістан облысы ҰҚК-нің Келес аудыны бөлімінің бастығы Е.Данабеков, Келес аудандық ПБ бастығының у.м.а. Е.Жаппаров, Келес ауданының бас имамы Ж.Дулатбаев, ауыл және ауылдық округ әкімдері мен аудан аумағындағы барлық имам қызметкерлері қатысты.
Жиын барысында аудан аумағындағы деструтивті діни ағым ұстанушылардың санының өсуі, діни ғимарат-мешіттерді құжаттандыру, теолог, дін саласындағы иман қызметкерлердің діни білімін арттыру, діни ғимараттардың бейнебақылау санын арттыру және т.б хаттамалық тапсырмалар берілді.