Түркістан облысы полиция департаментінің Арыс ауданы полиция бөлімінің ұйымдастыруымен ішкі істер органдарының есебінде тұратын, оның ішінде өтелмеген және алынбаған соттылығы бар тұлғалардың қайта қылмыс жасауының алдын алу мақсатында 2024 жылдың 12-20 ақпан күндері аралығында «Есептегі элемент» профилактикалық іс-шарасы өткізілуде.
Қоғамдық тәртіпті сақтау, қылмыстық құқық бұзушылықтардың алдын алуға және жолын кесуге бағытталған профилактикалық шара Арыс аудандық прокуратурасының прокурорлары, пробация қызметінің қызметкерлерімен бірлесе атқарылуда.
«Есептегі элемент» алдын алу іс-шарасы барысында
— қоғамдық қауіп төндіретін, денсаулық сақтау органдарында диспансерлік есепте тұрған, мінез-құлқының әлеуметтік бағыттылығы бар психикалық науқас адамдарды тексеру;
— қоғамдық тәртіпті бұзуға бірнеше рет жол берілген, тәулік бойы және сағаттап жалға берілетін пәтерлер мен үйлерді сапалы аралау;
— бұрын сотты болған азаматтарды тексеру;
— әкімшілік құқық бұзушылықтар жасау және сотпен белгіленген міндеттерді орындамаған, шектеулерді бұзу дәйектері орын алған азаматтарды әкімшілік қадағалау жұмыстары жүргізіліп, белгіленген тұлғалардың өмір салты мен мінез-құлқын бақылау жұмыстары қамтамасыз етілуде.
