Бүгін Райымбек Сейтметов атындағы Түркістан қаласвның сазды-драма театрында «Арба» монодрамасының тұсауы кесілді. Премьераға зиялы қауым өкілдері мен театр сүйер көрермен қатысты.
Кейіпкердің жалғыздықпен күресу жолынан басталған қойылым одан әрі күрделі эмоциялық және психикалық көріністері арқылы өрбиді. Темірланның өмірдегі әр қадамы арқылы өскенін, қалай ер жеткенін көрсетеді. Әкесінің естеліктерімен тіршілігін жалғастыра жүріп, сынақтарға төтеп береді.
«Арба» монодраманың басты рөлінде ойнаған театр актері – Аяз Ильясов. Қойылым авторы – Бақыт Жалиева, қоюшы режиссері – Асхат Қалыбеков.
Айта кетейік, қойылым өмір арбасының жетегіне жегіліп кетпей, қанша құласаң да, аяққа тік тұрып, жарыққа ұмтылуға шақырады. Көзіне жас алған көрермен қауым қойылым соңында театр әртістеріне ризашылықтарын білдірді.
Түркістан облысы мәдениет басқармасының баспасөз қызметі
