Қазақстан – бірлік пен келісімнің, өзара құрмет пен сенімнің берік үлгісін ұсына білген мемлекет. Тәуелсіздік алған сәттен бастап еліміз этностық әралуандылықты әлсіздік емес, керісінше, ұлттық артықшылық ретінде қабылдап, оны қоғамдық тұрақтылық пен дамудың стратегиялық ресурсына айналдырды.
Бұл – дана саяси шешімдердің, парасатты көшбасшылықтың және ең бастысы, ел тұрғындарының бейбіт өмірге, татулық пен өзара түсіністікке деген шынайы ұмтылысының жемісі.
Бүгінде Қазақстанда 130-дан астам ұлт пен ұлыстың өкілдері, 17 түрлі конфессияның мүшелері бейбіт және үйлесімді қоғамда өмір сүріп жатыр. Әр этнос өз тілін, дінін, салт-дәстүрін сақтай отырып, ортақ азаматтық ұстаным мен ұлттық бірлік жолында еңбек етуде. Бұл үрдіс – Мемлекет басшысы Қасым-Жомарт Тоқаевтың «Әділетті Қазақстан» құру жолындағы бағытының жарқын айғағы.
Бірлік – жай ұран емес, елдің ертеңін айқындайтын нақты күш. Ол заңмен емес, әр адамның жүрегіндегі ішкі мәдениетпен, құрметпен және жауапкершілікпен өлшенеді.
Осы құндылықты көздің қарашығындай сақтай білген ел ғана тұрақтылықты қамтамасыз етіп, тұрақтылық арқылы тұрақты даму жолына түсе алады.
Бүгінгі бірлік – ертеңгі баянды болашақтың кепілі.
Қазақстан – осы ұстанымымен ерекшеленетін ел.
#МирИСогласие #ЗаМир #МыВместе #PeaceAndHarmony #PeaceForAll #TogetherForPeace #ҚХА30жыл #АНК30лет #APK30years #АНК #ANK
