Осы оқу жылынан бастап Алматыдағы мектептер толықтай бір немесе екі ауысыммен білім алуға көшеді. Мәдениет шағын ауданында 1500 орынды мектептің ашылуы қаладағы жалғыз үш ауысымды мектеп мәселесін шешуге жол ашты.
№191, №146, №125 мектептерге жапсаржай салу арқылы оқушылар саны 875 орынға көбейді. Жыл соңына дейін бес мемлекеттік және екі жеке меншік мектепті пайдалануға беру, сонымен қатар қазіргі қолданыстағы оқу орындарына үш қосымша жапсаржайдың құрылысын аяқтау жоспарға енген.
