Жетісай ауданының білім бөліміне қарасты «А.Байтұрсынов атындағы №5 жалпы білім беретін мектеп» коммуналдық мемлекеттік мекемесінде «Ұлттық құндылықтар – тәрбиенің түп қазығы» атты сынып жетекшілер апталығын қорытындылау кеші өтті. Бұл іс-шараны директордың тәрбие ісі жөніндегі орынбасары Алипбекова Сауле апай ұйымдастырды. Мақсаты: сынып жетекшілер апталығын қорытындылау, сынып жетекшілердің педагогикалық тәрбие жұмыстарының деңгейін арттыру мақсатында марапаттау.
Іс-шараға барлық пән бірлестік мұғалімдері белсенді қатысты. Ән айтып, ұстаздарға арнау арнап, қызыққа толы іс-шара өткізілді. Атап өтер болсақ, математика пәні мұғалімдері Құлымбетова Динара мен Белхожаева Гүлбахар апайлар «Достар» әні, бастауыш пәні мұғалімі Ағманова Мария апайдың «Ақ сәулем» әні, ағылшын тілі пәні мұғалімі Саухымбаева Гүлдана апайдың «Бақыт деген немене» әні, орыс тілі пәні мұғалімі Сейітжаппар Айгерімнің орындауындағы «Ақ қурай» әні, химия пәні мұғалімі Оралбекова Маржан апайдың ұстаздарға арнау өлеңі мұғалімдердің жүрегінен жылы орын алып, қошеметке ие болды.
Іс-шара соңында мектеп директоры Г.Донбаева сынып жетекшілер апталығында небір қызыққа толы іс-шаралар өткізілгенін айта келіп, апталыққа белсенді қатысқан сынып жетекшілерге алғысын білдірді. Жас ұрпаққа білім беру мен тәрбиелеу ісіндегі еселі еңбектері үшін сынып жетекшілерді алғыс хаттармен марапаттады.
Іс-шара барысында директордың оқу ісі жөніндегі орынбасарлары А. Керімбердиева мен К. Байтемирова балалардың жан-жақты дамуын ынталандыруда, оқушылардың тұлғаларын қалыптастыру және қалыптастыру үшін жағдай жасауда, оларды оқыту мен тәрбиелеуде сынып жетекшілердің атқарып жатқан жұмысы орасан зор екенін айта келіп, сынып жетекшілерге шығармашылық табыс тіледі.