Түркістан облысының білім беруді дамыту орталығы, «Инновация және стратегиялық жоспарлау» кафедрасының онкүндік аясындағы қорытындысы Түркістан қаласы, №17 Ататүрік атындағы мектеп-гимназиясының базасында өтіп жатыр. Бұл онкүндіктің ерекшелігі жаңаша форматта фестиваль ретінде ұйымдастырылды.
Фестивальдің мақсаты: Педагогтердің басқарушылық қабілеттерін, әдістемелік, цифрлық және әмбебап құзыреттерін кешенді дамыту, жаңа заман талабына сай жаңашыл мұғалімдерге сапалы және инновациялық технологияларды меңгерту, білім сапасын көтеруде инновациялық технологияларды дұрыс және сауатты қолдануды үйрету, білім беру жүйесінің мүмкіндіктерін пайдалану арқылы тиімділігін арттыру.
Түркістан облысы Білім беруді дамыту орталығы директорының инновация ісі жөніндегі орынбасары Руслан Есболғанұлы ашып берді. Оқу-ағарту министрлігі «Ұлттық ғылыми-практикалық орталық» РМКҚ.Біліктілікті арттыру бөлімінің жетекшісі Билибаева Фарида Аманбаевна да сөз алып, әріптестеріне сәттілік тіледі.
Фестиваль концерттік бағдарламамен ұласып, облыстық Жастар орталығының мамандары келіп «Ұстаздар quizi» зияткерлік сайысын жүргізді. 17 ауданның педагогтері топ-топқа бөлініп қызықты сұрақтар қойылып, ой жүгіртіп, тартысты жарысуда. Сонымен қатар, фестиваль TED.X презентациямен, тренинг сабақтармен кешкі сағат 18.00-ге дейін жалғасады.
Келген қонақтар «Инновациялық жобалар көрмесін» тамашалады. Көрмеде аудандарымыздан келген мұғалім мен оқушының бірлескен жобалары ұсынылды.
