Келес ауданында БҰҰ-ның халықтың қоныстануы саласындағы қоры аймақтық ақпараттандыру семинарын өткізді. Семинар барысында Түркістан облысының тұрмыстық зорлық-зомбылыққа ведомствоаралық ден қою жүйесін құрудағы Келес ауданындағы тұрмыстық зорлық-зомбылық құрбандарына әлеуметтік-психологиялық қолдау қызметі практикалық тәжірибесімен танысты.
Зардап шеккен мүгедектігі бар адамдардың ерекше қажеттіліктерін дер кезінде анықтап, кешенді көмек көрсету бойынша тәжірибе алмасты. Гендерлік зорлық-зомбылыққа ведомствоаралық ден қою бойынша ұйымдастырылған шараға Келес ауданы әкімінің орынбасары Даурен Сариев қатысып, тәжірибе алмасу семинарының маңыздылығына тоқталды.
– Бүгінде елімізде гендерлік зорлық-зомбылыққа қарсы күрес шаралары қарқынды іске асуда. Осы орайда Келес ауданында әлеуметтік-психологиялық қолдау қызметі жолға қойылып, түрлі қолдау шаралары іске асырылуда. Өңірімізге арнайы келген БҰҰ-ның халықтың қоныстануы саласындағы қорының мүшелеріне алғысымды білдіре отырып, алдағы жұмыстарына сәттілік тілеймін, — деді аудан әкімінің орынбасары Даурен Нұрланұлы.
Айта кетейік, БҰҰ-ның халықтың қоныстануы саласындағы қоры Түркістан облысында өзінің тиімділігін көрсеткен гендерлік зорлық-зомбылыққа ведомствоаралық ден қою жүйесін Қазақстанның басқа өңірлеріне тарату мақсатында полиция, денсаулық сақтау және әлеуметтік қызмет өкілдеріне арналған Аймақтық ақпараттандыру семинарын өткізуде.