Сарыағаш ауданында салауатты өмір салтын қалыптастырып, бұқаралық спортты дамыту мақсатында салынып жатқан спорттық нысандардың саны артып келеді. Сондай спорт нысандарының бірі Қызылжар ауылдық округі Жаскешу елді мекенінінде бой көтеріп жатыр. Осы орайда, бүгін аудан әкімі жұмыс сапарымен Қызылжар ауылдық округіне арнайы барып, Арман Абдуллаев салынып жатқан спорт алаңшаласының құрылыс барысын аралап, мән-жайымен танысты.
Спорт алаңшасына жоспар бойынша орындықтар, қоқыс жәшіктері, спорттық құрал-жабдықтармен жабдықтау , балалар ойын әткеншектерін орнату жұмыстары жүргізілуде.
Аралау барысында аудан әкімі ауыл тұрғындарының салауатты өмір салтын ұстануына, тұрғындардың уақытын тиімді өткізуге септігін тигізетін заманауи спорт алаңшасының құрылыс барысында кемшіліктер болмау керектігін атап,ауылдық округ әкіміне жұмыс барысын баяндап отыруды тапсырды.
Одан соң, аудан басшысы ауылдық округке қарасты Қызылжар елді мекенінде орналасқан «Бала-би» балабақшасына жөндеу жұмыстарының барысымен танысты.
Аудан әкімі құрылысқа жауапты мердігер мекеме басшысына құрылыс жұмыстарын бекітілген кестеге сай жүргізуді жүктеді. Сонымен қатар, жауапты бөлім басшысына бақылау жұмыстарын күшейту қажет екенін ескертті.
