Мемлекет басшысы Қ. К. Тоқаевтың қазақстандықтарға жайлы өмір сүруге, тұрмыстық деңгейін көтеріп, күнделікті тіршіліктерінің сапасын жақсарту қажеттігі туралы тапсырмасына сәйкес Шымкент қаласының әкімі маусым айынан бері жүргізіліп жатқан алдағы қысқы маусымға дайындық жұмыстарының барысын жиі қадағалап, бақылауында ұстап отырады.
Сондықтан да қаладағы аудандар әкімдері де бұл жұмысты өз назарларынан тыс қалдырмауда. Шымкент қаласы Әл-Фараби ауданы аумағында 672 көпқабатты тұрғын үй болса, оның 615-і жылу қабылдайтын көпқабатты тұрғын үй ретінде тіркелген. Сол себепті де ол көпқабатты үйлердегі мыңдаған тұрғындардың қыста жылы да жайлы пәтерде ыстық суды пайдалануына мүмкіндік жасау аудан әкімдігінің жауапкершілігіндегі жұмыс. Яғни, аудан әкімі өзіне тиесілі территориядағы қысқы маусымға дайындық жұмысын қадағалап, сапалы жүргізілуін тексеріп отырады.
Бүгін Әл-Фараби ауданының әкімі Рашид Мыңбаев Отырар және Спорт шағын аудандарын аралап, «Қуатжылуорталық-3» мамандарымен бірлесе жылыту маусымына дайындық жұмыстарын пысықтады. Бүгінде 143 көпқабатты тұрғын үй жылыту маусымына дайын.
Әл-Фараби әкімдігі мамандары тарапынан үй басқарушыларына қысымдау, сығымдау жұмыстарын жүргізу қажеттігі ескертілуде. Сондай-ақ көпқабатты тұрғын үйлердің келбетін, тазалығын және жылуын сақтау мақсатында кіреберіс алаңдардың есік-терезелерін бүтіндеу, істен шыққан құбырларды ауыстыру бойынша үй тұрғындарына түсіндірме жұмыстары да қатар жүргізілуде.
ДАЙЫНДЫҚ ЖҰМЫСТАРЫ ПЫСЫҚТАЛДЫ
Добавить комментарий
