Бүгін Сауран аудандық прокуратурасының бастамасымен инвесторлардың құқықтарын қорғау мәселелері бойынша кездесу өтті. Жиынды аудан прокуроратурасының аға прокуроры Асылжан Сағынбек ашып, инвесторлар мен кәсіпкерлердің құқықтарын кеңінен түсіндіріп өтті. Басқосуға аудан әкімінің орынбасар Бақытжан Букебаев, бөлімдер мен мекеме басшылары және «Атамекен» өңірлік кәсіпкерлер палатасы Сауран аудандық филиалының өкілдері қатысты.
Шара аясында «Инвесторларды қорғау жөніндегі прокурорлық сүзгі» жобасы түсіндірілді. Жоба инвесторларға мемлекеттік органдар тарапынан салынатын тыйымдар және шектеу шараларын қамтиды. Жобаның басты мақсаты – инвестициялық жобаларды прокурорлармен сүйемелдеу тетігін жетілдіру және профилактиканың тиімді құралдарын енгізу болып табылады.
Мәжілісте мемлекеттік және жергілікті атқарушы органдарға, сондай-ақ квазимемлекеттік сектор субъектілеріне инвесторларға қатысты тыйым салу-шектеу сипатындағы шаралары түсіндірілді. Сонымен қатар, қызметті тоқтата тұру, рұқсаттың немесе рұқсатқа қосымшаның қолданылуын тоқтата тұру, одан айыру (кері қайтарып алу) арқылы, рұқсаттың қолданылу мерзімін ұзартудан бас тарту. Мемлекеттік, оның ішінде жергілікті атқарушы органның инвестордың пайдасына бұрын шығарылған шешімінің күшін жою (кері қайтарып алу), уəкілетті мемлекеттік органның, не квазимемлекеттік сектор субъектісінің келісім-шартты, не келісімді біржақты тəртіппен бұзуы арқылы жүзеге асыруды прокуратура органдарымен келісу тапсырылды.
Кездесуде кәсіпкерлерге қызмет көрсету орталығы аудандық бөлімінің басшысы Дәурен Абдраманов пен аудандық «Мансап» орталығының маманы Ерғали Бөлегенов «Ауыл аманаты» бағдарламасының 6-шы бағыты мен мемлекеттік қайтарамсыз грант туралы түсіндіріп өтті. Жиынның қорытындысы бойынша өңірдегі және жалпы елдегі инвестициялық қызметтің ашықтығы мен заңдылығын қамтамасыз етудің маңызды құралына айналатынын атап өтті.