Отбасы – адам үшін ең жақын әлеуметтік орта. Отбасы белгілі дәстүрлердің, жағымды өнегелердің мұралар мен салт-дәстүрлердің сақтаушысы. Отбасында бала алғаш рет өмірмен, қоршаған ортамен танысып, мінез-құлық нормаларын игереді. Отбасы баланың азамат болып өсуінің негізі болып табылады.
Отбасының басты қызметі баланы тәрбиелеу.
Отбасының басты қызметі баланы тәрбиелеу.
Ұрпақ тәрбиесіне бүгінде қоғам тарапынан әсер ететін көптеген факторлардың бар екендігі белгілі. Осы орайда, Түркістан облысы, Келес ауданы прокуратурасының ұйымдастыруымен ұрпақ тәрбиесіне жауапты қоғам өкілдерінің жауапкершілігі сөз болып, нақты міндеттер жүктелген «Бала құқығы мен ата-аналар міндетті» атты жиын болып өтті.
Атап айтқанда, маслихат депутаттары, аудандық полиция бөлімінің қызметкерлері, дін өкілдері, аудандық ішкі саясат және білім бөлімінің мамандары, ауыл билері мен жастар ресурстық орталығының мамандарынан 4 жұмысшы топ құрылып, жоспарлы түрде аудан бойынша түсіндіру жұмыстары жүргізілетін болды.
Сондай-ақ, аталған жұмысшы топпен тиісті рейдтік іс-шаралар өтпек. Сонымен қатар, топ жұмысының нәтижесінде заңсыздықтарға жол берген жауапты лауазым иелерінің жауапкершілігі қаралатын болады. Аталған жоспарлы іс-шара ауданда құқық бұзушылықтың алдын алу, жасөспірімдер арасындағы қылмыстарға тосқауыл болуына септігін тигізбек.