Шардара ауданында дін саласындағы тұрақтылықты қамтамасыз ету мақсатында Мемлекеттік кірістер басқармасының қызметкерлерімен «Деструктивті діни ағымдардың алдын алу», «Сыбайлас жемқорлықтың алдын алу міндет» — тақырыбында кездесуге Шардара аудандық ішкі саясат бөлімінің әдіскері, теолог маманы А.Данияров, мемлекеттік кірістер басқармасының басшысы С.Нұрахов, Шардара қаласы әкімі аппаратының бас маманы Ж.Мүталиев қатысты.
Шардара аудандық ішкі саясат бөлімінің әдіскері, теолог маманы А.Данияров: Деструктивті діни ағымның жаңа мүшесі дербестігін, өз бетінше шешім қабылдау және сыни пікірлер айтып, өз көзқарасын білдіру қабілетін мүлдем жоғалтады. Діни экстремизм діни білім мен тәжірибенің жоқтығының, саясат пен діннің араласуының тікелей салдары. Діни ағымдар азаматтарымыздың құқықтарын бұзатын, оларға психологиялық әдіс — тәсілдерді қолдана отырып, зиянын тигізетін ағымдар. Интернет пен әлеуметтік желілердегі тыйым салынған уағызшылардың уағыздары, экстремистік сайттардың еркін қолжетімділігі де жастарды жарға жығуға итермелейтін факторларының бірі болып тұр. Олардың ортақ сипаты — діни ілімінің ақиқаттылық деңгейінен емес, оған мүше адамдардың қоршаған әлеуметтік ортадан оқшаулануы мен жетекшілік еткен азаматтарға көзсіз бағынуынан көрінетінін тілге тиек етті.
Сыбайлас жемқорлыққа қарсы мәдениет — бұл адамның саналы және адамгершілікпен сыбайлас жемқорлыққа қарсы тұру қабілеті. Парақорлық әділдікті жойып, зұлымдықтың жайылуына әкелетін ең негізгі себептердің бірі. Халқымызда «Арамнан алған түйеден, адалдан алған ешкі жақсы», — деген даналық сөз бар. Себебі, арам жолмен табылған мал — дүниеде еш уақытта береке болмайды. Береке — тек адал табыста болмақ. Адам баласы мұндай теріс жолмен табыс тауып, отбасын онымен асырауына болмайды деп сөзін аяқтады.
Аудандық мемлекеттік кірістер басқармасының басшысы С.Нұрахов ақпараттық — түсіндіру тобына ұжым атынан алғысын айтып, ризашылығын білдірді.