Шардара ауданында дін саласындағы тұрақтылықты қамтамасыз ету мақсатында Шардара қаласы М.Қалмырза атындағы №3 мамандырылған мектеп интернатының ұйымдастыруымен жоғарғы сынып оқушыларымен «Тәрбие тұғыры имандылықта», — тақырыбында тәрбие сағатына аудандық ішкі саясат бөлімінің әдіскері, теолог маманы А.Данияров, ардагер ұстаз Т.Тасыбеков, мектептің технология пәнінің Д.Ізбасар, биология пәнінің мұғалімі Ғ.Әлімханов қатысты.
Аудандық ішкі саясат бөлімінің әдіскері, теолог маманы А.Данияров: Қазақ халқы әуелден — ақ бала тәрбиесіне айрықша мән беріп, оны ата — ананың борышы санаған. Өйткені, бала — болашақ иесі. Балаларды сүйіспеншілікпен тәрбиелеп, махаббат нұрын жаудыру әр ата — ананың міндеті. Қазақ мақалында былай делінген: «Алтыға дейін бала деп қара, алтыдан кейін құлыңдай көр, он алтыда досыңдай көр», — деген. Бала тәрбиесіндегі кез — келген дүниені сүйіспеншілікпен, ерекше ықыласпен тәрбиелесе, ондай тәрбие адамның болашақта өз бетінше шешім қабылдай білу мүмкіндігін арттырады. Мектепте берілетін білімге қоса, көптеген қазақстандық отбасылар үшін баланың рухани тәрбие алуы, бағыт көрсетуі маңызды болып қала береді. Ата — ана әрбір жас балаға үлгі, оның бүгін қандай болып тұрғанын білдіретін және ертеңіне жол көрсетіп тұрған бағдаршам. Бала тәрбиесі жөнінде Абай: «Адамның жақсы болуы тегінде емес, тәрбиесінде, ақылында, өнер, білімінде. Адамға үш алуан адамнан мінез жұғады: ата — анадан, ұстазынан, құрбысынан. Әсіресе олардың қайсысын жақсы көрсе, содан көп жұғады», — деп, осы үшеуінен баланың болашағы шешілетінін ескерткен. Ал, шығыстың ұлы ойшылы Әл — Фарабидің: «Адамға ең алдымен білім емес, тәрбие беру керек. Тәрбиесіз берілген білім адамзаттың қас жауы», — деген деп сөзін қорытындылады. Мектептің оқушылары тарапынан қойылған сұрақтарға тұщымды жауаптар берілді.
