Түлкібастық кәсіпкер Жура Жұмаев «Еңбек нарығын дамытудың 2024-2029 жылдарға арналған тұжырымдамасы» аясында мемлекеттен 1 млн 380 мың теңге көлемінде қайтарымсыз грант алған. Нәтижесінде көлік жөндеу орталығын ашып, қажетті құрал-жабдықтарын толық сатып алған.
«Мемлекеттен қайтарымсыз грантты жеңіп алып, бүгінде жеке кәсібімді дөңгелетіп отырмын. Орталық ашылғаннан бері келушілер саны артып келеді. Қызметке жүгінушілердің көпшілігі аудан тұрғындары. Алдағы уақытта кәсібімді ұлғайтуды көздеп отырмын»,- дейді кәсіпкер.
Ал, мемлекеттік бағдарламаның шарапатын көріп, кәсібін дөңгелетіп отқан бәйдібектік кәсіпкер массаж орталығын ашып, жұмысын бастап та кетті.
Бәйдібек ауданы, Шаян ауылының тұрғыны Нұргүл Досболаева мемлекеттік грант жеңіп алып, массаж орталығын ашқан. Кәсіпкер 2023 жылы өз бизнес жобасын ұсынып, комиссия шешімімен қайтарымсыз 1 млн 380 мың теңге қайтарымсыз қаржы алған. Оған қажетті құрал-жабдықтар мен массаж аппараттарын сатып алған.
Бүгінде жеке кәсіпкер балаларға және ересектерге арналған массаж түрлерін жасайды. Одан бөлек, сал ауруымен ауыратын балалар үшін арнайы тасымал қызметі бар. Алдағы уақытта табысын еселеп, кәсібін дамытуды көздеп отыр.