Төлеби аудандық полиция бөлімінің қызметкерлері кәмелетке толмағандардың арасында немесе оларға қатысты қылмыстардың алдын алу және жасөспірімдердің құқықтық сауаттылығын арттыру бойынша жүйелі түрде профилактикалық жұмыстарын жалғастыруда.
Аталған жайт бойынша арнаулы оқу орындары және мектеп ұстаздарымен бірігіп келеңсіз жағдайлардың алдын алу, мектеп ауласында күдікті азамат немесе заттарды анықтаған жағдайдағы іс-әрекеттер жасау тақырыптарында дәрістер өтуде.
Сонымен қатар түнгі рейд жұмыстары нәтижесінде 2 ойынхана әкімшілігіне, түнгі сағат 22.00-ден кейін ойынханада балалардың болуына жол бергені үшін, өз балаларын тәрбиелеу, оқыту және олардың құқығын қорғау бойынша өз міндеттерін орындамағаны 2 отбасыға, ортақ пайдалану орындарын ластағаны бойынша 3 жасөспірім мен түнгі сағат 23.00-ден кейін заңды өкілдерінің рұқсатынсыз үй-жайдан тыс жүрген жасөспірімдердің ата-аналарына 13 әкімшілік хаттама толтырылды.
Құрметті ата-аналар мен ұстаздар! Балалардың қауіпсіздігін қоғам болып қорғауға міндеттіміз. Сондықтан үздіксіз бақылауда болуын қамтамасыз етуіміз шарт.