Түркістан облысы, Бәйдібек ауданындағы облыстық маңызы бар КХ-1 «Қошқарата-Жарықбас-Бірлік» автомобиль жолынының 16,5-23 шақырым аралығы орташа жөндеуден өтіп жатыр. Аталған жолдың жөндеу жұмыстары Ақтас пен Кеңсай елді мекендері аралығын қамтиды.
Бүгінде мердігер «Real Stroy Invest» ЖШС тарапынан ескірген асфальт жабынын фрезалау жұмыстары жүргізілуде. Сметалық құжаттамаға сәйкес, фрезаланған жол бөлігіне екі қабатты асфальтобетон жабынын салу және ескірген су өткізгіш құбырларды ауыстыру жұмыстары жоспарланған. Сала мамандарының айтуынша, облыстық маңызға ие жол торабын 2025 жылы толығымен аяқтау көзделген.