Зияткерлік меншік құқығын қорғау мақсатында аумақтық әділет органдары өткен жылдың қорытындысы бойынша 338 тексеру жүргізді. Нәтижесінде 297 құқық бұзушылық анықталды. Бұл туралы Орталық коммуникациялар қызметінің алаңында ҚР Әділет министрлігінің ресми өкілі Талғат Уәли мәлімдеді.
Атап айтқанда, Әкімшілік құқық бұзушылық туралы кодекстің 158-бабы бойынша (Бөтен тауар белгісін заңсыз пайдалану) 283 іс қозғалды, 267 адам әкімшілік жауапкершілікке тартылды. Айыппұлдардың жалпы сомасы 22 138 422 теңгені құрады.
«2024 жылы заңсыз айналымнан жалпы сомасы 150 млн теңгеге 400 мыңға жуық контрафактілік өнім алынды. Ағымдағы жылы бұл жұмыс жалғастырылатын болады. Шымкент пен Алматыда «Nestle» тауар белгісіне құқықты бұзатын контрафактілік өнімнің ірі партиясы тәркіленді. 2025 жылғы 12 ақпанда Шымкент қаласы Әділет департаментінің зияткерлік меншік бөлімінің қызметкерлері Алматы қаласы Әділет департаментінің әріптестерімен бірлесіп, «Nestle» тауар белгісін заңсыз пайдалану фактісі бойынша жоспардан тыс тексеру жүргізді. Тексеру барысында 200 қорап контрафактілік өнім анықталды, оның ішінде 98 қорап «сүт вафли қояны» және 102 қорап «Ness wafers» (Несс ваферс), олардың сыртқы түрінен бастап араластыру дәрежесіне дейін «Nestle» сауда белгісіне ұқсас», — деді Талғат Уәли.
Тексеру қорытындысы бойынша барлық заңсыз өнім тәркіленіп, Әділет департаментінің қоймасына сақтауға орналастырылды. Құқық бұзушыға қатысты әкімшілік хаттама жасалды, ол қарау үшін сотқа берілді.
Әділет министрлігінің ресми өкілі зияткерлік меншікті қорғау әділет органдары жұмысының негізгі бағыттарының бірі екенін айтты. Сондықтан, спикерт үсіндіргендей, тауар белгілерін заңсыз пайдаланудың жолын кесу бренд иелерінің құқықтарын қорғауға ықпал етіп қана қоймайды, сонымен қатар тұтынушыларға сапалы және қауіпсіз өнімге қол жеткізуге кепілдік береді.
