Шардара ауданында дін саласындағы тұрақтылықты қамтамасыз ету мақсатында Шардара қаласында орналасқан Шардара орман және жануарлар дүниесін қорғау жөніндегі мемлекеттік мекемесінің қызметкерлерімен «Деструктивті діни ағымдардың алдын алу», «Құқық бұзушылықтың алдын алу» — тақырыбында кездесуге Шардара аудандық ішкі саясат бөлімінің әдіскері, теолог маманы А.Данияров, аудандық «Жастар ресурстық орталығы» КММ — нің теолог маманы Е.Сариев, Шардара аудандық полиция бөлімінің полиция подполковнигі С.Естаев қатысты.
Аудандық ішкі саясат бөлімінің әдіскері, теолог маманы А.Данияров: Бүгінде Ислам дінін ұстанатын мұсылмандардың қатары артып келеді. Десе де, дін ұстанған кей мұсылманның діни білімі жетпей айтқан сөздерінен, әдепке жатпайтын ұнамсыз қылықтарынан Исламға деген жеккөрушілік, дін арқылы қоғамда үрей — қорқыныш қалыптастыру сынды үрдістер, жағымсыз насихаттар етек алып тұрғаны шындық. Ислам діні адамдарды өзара ауызбіршілікке ынтымаққа үндейтін дін. Мұсылман мұсылманның бауыры, ол оған еш уақытта тілімен де, қолымен де жаманшылық жасамайды деп сөзін қорытындылады.
Шардара аудандық полиция бөлімінің полиция подполковнигі С.Естаев: Мемлекет Басшысының 2020 жылғы 1 қыркүйектегі «Жаңа жағдайдағы Қазақстан: іс — қимыл кезеңде», — атты Жолдауында полиция қызметін сервистік модельге көшіру және қоғамдық қауіпсіздікті қамтамасыз етудің алғы шарттарын айтқан болатын. Осы негізде Шардара ауданында сервистік модельге көшу мақсатында «Шардара аудан әкімдігінің 18 қаңтар 2023 жылғы №2-9 Ө өкімімен Шардара ауданы әкімдігі жанынан қоғамдық қауіпсіздікті қамтамасыз етуде сервистік тәсілді енгізу жөніндегі ведмоствоаралық топ құру туралы» жұмысшы топ құрылғанынын атап өтті. Құқық бұзушылық — қоғамға зиян келтіретін және заң бойынша жазаланатын қоғамға қарсы әрекет. Бүгінгі таңда қоғамның алдында тұрған басты міндеттердің бірі — балалар мен жасөспірімдер арасындағы құқық бұзушылықтың алдын — алу, кәмелетке толмағандар арасындағы қылмыстың өсуіне жол бермеу. Осындай жағдайлардың алдын алу үшін балаларымыздың бойында дұрыс құқықтық тәрбие мен құқықтық білім беруіміз керек. Осыған байланысты полиция подполковнигі С.Естаев Қазақстанда заң бойынша кәмелетке толмаған жасөспірімдерге түнде компьютерлік клубтарда отыруға және түнгі уақыттарда көшеде ата — анасыз жүруге тыйым салынғанын және елімізде кәмелетке толмаған құқық бұзушылардың ісімен шұғылданатын арнайы орталық бар екенін оқушыларға түсіндірді. Сондай — ақ жолда жүру ережелерін дұрыс білуге, сақтауға кеңес берді.
Аудандық «Жастар ресурстық орталығы» КММ — нің теолог маманы Е.Сариев: өкінішке орай, көпшілік ата — аналар материалдық игіліктердің соңынан қуып, рухани құндылықтарды ұмытып жатады. Бірақ тұлғаның адамгершілік негіздері отбасында қалыптаспайды ма? Ата — бабасының дәстүрлі дініне деген құрметті, ана тіліне, салт — дәстүрге, тарихына деген құрмет пен махаббатты отбасында бойына баулу керек. Балалар жастайынан шынайы діннің тек жақсылыққа, қайырымдылыққа, бір — біріне мейірімді болуға тек жарқын амалдарды жасауға шақырды.
